Internetda xonanda Manzura Yo‘ldoshevaning kelin libosidagi surati tarqaldi, deb yozmoqda "Qalampir.uz" nashri.Bundan biroz avval, internet tarmoqlari orqali “Nihol” mukofoti sovrindori xonanda Manzuraning kelin ko‘ylakdagi liboslari tarqalgan edi. Avvaliga bu surat unchalik e’tibor tortmagandi. Bugun esa xonandaning o‘zi kelinlar libosidagi suratini ijtimoiy tarmoqlardagi sahifasiga joylashtirdi.
Manzura Yo‘ldoshevaning navbatdagi suratlari muxlislari orasida katta shov-shuvlarga sabab bo‘lmoqda. Bu orada Yo‘ldosheva turmushga chiqayotgan bo‘lishi mumkin, degan taxminlar ham paydo bo‘ldi. Manzura esa bu savollarga javob qaytarganicha yo‘q.
Bundan 4 oy avval xonanda “Yo teskari zamon bo‘ldimi?” nomli qo‘shig‘ini muxlislari e’tiboriga havola etgandi. Qo‘shiqda oila mavzusi, qizlarning erta turmushga chiqishi, yigitlarning sevgi-muhabbatning qadriga etmasligi kuylangandi. Saytimiz uchun tayyorlangan ko‘rsatuvda ham Manzura turmushga chiqish masalasiga alohida to‘xtalgandi.