Aktrisa Asal Shodievaning Instagram`dagi sahifasi buzib kirildi. Bu haqda mazkur ijtimoiy tarmoq foydalanuvchilari bo‘lmish boshqa san’atkorlar xabar bermoqda, deyiladi "Darakchi" nashrida.
Ma’lum bo‘lishicha, aktrisaning nomidan uning boshqa hamkasblariga xabarlar yo‘llanmoqda va shubhali havolalarga kirish so‘ralmoqda.
Aktrisa Dilnoza Kubaevaning nomidan uning muxlislari tomonidan yuritiladigan sahifaga ham Asal Shodieva xat “jo‘natdi”.
Unda xakerlar Asal Shodievaning nomidan Dilnoza Kubaeva nomi bilan yuritilayotgan sahifani buzib kirish bilan tahdid qilgan.
Ma’lumot uchun, aktrisa Dilnoza Kubaeva ijtimoiy tarmoqlardan foydalanmasligini bir necha marotaba ta’kidlab o‘tgan.