Xabaringiz bor yoshlarning sevimli qo‘shiqchisi, o‘zbek estradasining yorqin yulduzi xonanda Shoxruhxon 23-24-26 may kunlari “Istiqlol” san’at saroyida “Yulduzlar” deb nomlangan yakkaxon konsert dasturini taqdim etmoqda. Bugun konsertning ilk kuniga start berildi.Dastlabki ma’lumotlarga ko‘ra, uzoq kutilgan konsert dasturida 5 ta duet qo‘shiq kuylanishi kutilmoqda. Ushbu duetlar ichida xonanda Shahzoda bilan birgalikda kuylangan “Allo” dueti ham ijro etiladi. Ammo qolgan to‘rtta duet kimlar bilan ijro etilishi haqida aniq ma’lumotlar yo‘q, deyiladi "Kun" nashrida. Bu konsert tashkilotchilari, qolaversa, xonandaning o‘zi tomonidan muxlislari uchun atalgan syurpriz bo‘lishi mumkin.
Oxirgi paytlarda ijodga jiddiy bel bog‘lagan xonandaning birin ketin yangi qo‘shiqlarini konsert dasturida tinglash imkoniyatiga ega bo‘lasiz. Ushbu qo‘shiqlardan biri “Darak yo‘q” taronasi bo‘lib, qo‘shiq so‘zini Shohro‘z yaratgan. Oranjirovkasi Jasur Badalboyevga, musiqasi esa Shoxruhxonning o‘ziga tegishli. Ayni damda qo‘shiqqa klip suratga olinib, muxlislarga taqdim etildi. Klipda bosh rolni Asal Shodieva talqin etgan.
Bundan tashqari, kutilayotgan konsert dasturi ajoyib shou dasturiga aylanishi kutilmoqda. Bunga dasturga tashrif buyurib, o‘zingiz shaxsan guvoh bo‘lishingiz mumkin.
Konsert tafsilotlari haqida saytimiz orqali to‘liq xabardor bo‘lishingiz mumkin.