Rejissyor Rustam Sa’diev “Baron-2” filmini suratga olish ishlariga tayyorgarlik boshlab yuborgani haqida xabar bergandik, deb yozmoqda "Darakchi" nashri.Kinoning ikkinchi qismida aktyorlar jamoasi yangilanadi. Filmning birinchi qismidagi aksariyat aktyorlarni voqealar davomida uchratmaysiz. “Voqealar davomidan kelib chiqqan holda “Baron-2”da Ulug‘bek Qodirovning rol ijro etishi rejaga kiritilmagan. U birinchi filmda o‘z ishini bajarib bo‘lgan”, deydi Rustam Sa’diev “Darakchi” jurnalisti Aliya Sulaymanovaga.
Aktyorlar jamoasi kengayib unda Rossiya kinosan’atining eng ko‘zga ko‘ringan mashhur aktyorlari va Evropaning mahoratli ijodkorlari bilan hamkorlik qilish rejalashtirilgan. Rollar taqsimoti ssenariy to‘liq tayyor bo‘lgach, amalga oshiriladi.
Ko‘pchilikni qiziqtirayotgan voqealar rivoji to‘xtagan joyidan davom etadi. Bitta jinoyatni fosh etgan bosh qahramon Izzat (Farhod Mahmudov), ikkinchi topshiriqni bajarish bo‘yicha ishga kirishadi.
“Baron” filmi katta ekranlarga chiqqach uning seriali ham televidinieda namoyish etilishi ma’lum qilingan edi. Ayni kunlarda bu jarayonning tashkiliy ishlari boshlanib, “Baron” seriali 2016 yilning ikkinchi yarimida televidenieda namoyish etilishini ma’lum qildi.
Ayni kunlarda “Baron” filmining endi suratga olinadigan qismi “qaroqchilar” qo‘liga tushib qolmasligi uchun, bozor rahbariyati va ma’muriyati bilan uchrashuvlar o‘tkazilib, qat’iy chora-tadbirlar ko‘rish rejalashtirilmoqda.