Majburiy ijro byurosi Muborak tuman bo‘limi ish yurituviga Fuqarolik ishlari bo‘yicha Koson tumanlararo sudining 2018 yil 12 noyabr kungi sud buyrug‘iga ko‘ra, qarzdor J.Valiqulovdan undiruvchi G.Jabboraliyeva foydasiga voyaga yetmagan 1 nafar farzandi ta’minoti uchun 1/4 qism miqdorida aliment undirish to‘g‘risidagi ijro hujjati kelib tushgan.Shu kunning o‘zida ijro ishi yuritishni qo‘zg‘atish to‘g‘risida qaror qabul qilinib, qarzdorga yuborilgan. Ota voyaga yetmagan farzandi uchun shu kunga qadar aliment pullarini sud buyrug‘ida belgilanganidan ko‘ra kam miqdorida to‘lab, to‘liq to‘lashdan bo‘yin tovlab kelgan.
Davlat ijrochisining qarz hisoblash qaroriga ko‘ra, otaning alimentdan bo‘lgan qarzdorligi 11 mln. 800 ming so‘mni tashkil qildi. Joriy yilning 9-aprel kuni Byuro xodimlari qarzdorga to‘lamaslik oqibatlari haqida huquqiy tushuntirish berib, ogohlantirganidan so‘ng J.Valiqulov mavjud qarzdorlikni to‘lab berdi.
Otabek Roziqov
MIB Muborak tuman bo‘limi davlat ijrochisi
MIB Muborak tuman bo‘limi davlat ijrochisi