Foto: Tergov departamenti2021 yilning 24 yanvar kuni 22 yoshli Xusniddin Q. firibgarlik yo‘li bilan o‘zganing mulkini qo‘lga kiritish maqsadida, Farg‘ona viloyati, Oltiariq tumani Uzumchi MFY.da yashovchi 27 yoshli A’zamjon A. dan 9.900 kg sement mahsulotlarini qimmatroq narxda sotib olishini aytadi. U jami narxi 9.000.000 so‘mlik 9.900 kg. sement mahsulotlarini aldov yo‘li bilan qo‘lga kiritib, bergan va’dasini bajarmagan.
Olib borilgan tergovga qadar tekshiruv harakatlari davomida, Husniddin Q., A’zamjon A.ni qurilish mollari oldi-sotdisi bilan shug‘ullanishidan xabar topib, «Telegram» messenjeri orqali xaridor sifatida, ushbu sement mahsulotlarini u aytgan savdo do‘koniga yetkazib berishini so‘rab qo‘lga kiritgach, o‘zga shaxslarga sotib yuborganligi aniqlangan.
Mazkur holat yuzasidan Marg‘ilon shahar IIB huzuridagi Tergov bo‘limi tomonidan Husniddin Q.ga nisbatan O‘zbekiston Respublikasi Jinoyat kodeksining 168-moddasi 3-qismi «B» bandi (firibgarlik) bilan jinoyat ishi qo‘zg‘atilib, «qamoqqa olish» tarzidagi ehtiyot chorasi tanlangan.