Foto: Videolavhadan skrinshot 19 yoshni qarshilagan mehribonlik uyi tarbiyalanuvchisining o‘ylamay qilgan ishi uni ayanchli ahvolga soldi. U Toshkent shahri, Sergeli bekatining uchinchi yo‘lida turgan vagon ustiga selfiga tushish maqsadida chiqqanida yuqori kuchlanishli tok urgan.
Ma’lum qilinishicha, bolani vagon ustida kuchlanishi 27 ming volt bo‘lgan simdagi tok urgan. U tez tibbiy yordam mashinasida Respublika shoshilinch tibbiy yordam markazining jonlantirish bo‘limiga yetkazilgan.
Shifokorlarning tashxisiga ko‘ra, uning ahvoli juda og‘ir, tanasining 93 foizi kuygan, uchinchi darajali bosh miya yopiq jarohatini olgan.