Bojxona organlari tomonidan sifati kafolatlanmagan mahsulotlarni noqonuniy aylanmasiga qarshi keskin kurash olib borilmoqda.Xususan, “Olot” chegara bojxona posti xodimlari tomonidan xorijiy davlatdan kirib kelgan yuk avtomashinasi belgilangan tartibda “avto tarozi” yordamida o‘lchab ko‘rilganda yuk avtomashinasidagi tovarlar yuk kuzatuv xujjatlarida keltirilgandan ortiqcha vaznda ekanligi ma’lum bo‘ldi.
Bojxona ko‘rigi davomida esa yuk kuzatuv xujjatlarida ko‘rsatilganidan ortiqcha 449 mln. so‘mlik “Vazelin” tovarlari hamda salkam 24 mln so‘mlik, yuk kuzatuv hujjatlarida ko‘rsatilmagan 15600 dona ruchkalar borligi aniqlandi.
Olot postida yana bir holatda xorijiy davlatdan kirib kelgan yuk avtomashinasi bojxona ko‘rigidan o‘tkazildi. Bojxona ko‘rigi davomida yuk kuzatuv xujjatlarida ko‘rsatilganidan ortiqcha bo‘lgan qiymati 153 mln. so‘mlik xo‘jalikda ishlatiladigan keramika tovarlari borligi aniqlandi.
Hozirda yuqoridagi holatlar yuzasidan bojxona organlari tomonidan surishtiruv harakatlari olib borilmoqda.