Byuroning Mirobod tuman bo‘limi ish yurituviga, Toshkent tumanlararo Iqtisodiy sudining 24.08.2020 yildagi 4-1102-2002/514-sonli ijro varaqasiga asosan, qarzdor “Qishloq qurilish invest” korxonasidan undiruvchi “GREAT ROADS CONSTRUCTION PROJECT” mas’uliyati cheklangan jamiyati foydasiga 29.227.451 so‘m qarz undirish to‘g‘risidagi ijro hujjati 10.11.2020 yilda bo‘lim ish yurituviga kelib tushgan va shu kunning o‘zida O‘zbekiston Respublikasi “Sud hujjatlari va boshqa organlar hujjatlarini ijro etish to‘g‘risida”gi qonunning 23-moddasiga asosan ijro ishi qo‘zg‘atilib, qo‘zg‘atish qarori qarzdorga ijro qilishlik uchun yuborilgan.Ijro harakatlari davomida davlat ijrochisi B.To‘xtaboyev tomonidan olib borilgan huquqiy tushuntirish ishlari natijasida qarzdor ixtiyoriy ravishda qarzdorlikni to‘liq to‘lab berdi. 24.11.2020 yil kuni undirilgan 29.227.451 so‘m pul mablag‘lari undiruvchi tomonidan taqdim qilingan hisob raqamga o‘tkazildi va ijro hujjati ijrosi O‘zbekiston Respublikasi “Sud hujjatlari va boshqa organlar hujjatlarini ijro etish to‘g‘risida”gi qonunning 41-modda, 1-bandiga asosan ijro hujjati tamomlandi.