Foto: «Vrachivmeste.ru» Hech qanday sababsiz ko‘p terlash — Parkinson kasalligidan darak beruvchi keng tarqalgan alomatlardan biri. Bu haqda Amerika Parkinson kasalligi assotsiatsiyasiga tayanib «Express» xabar berdi.
Nashrning yozishicha, alomatlar odatda sekin-asta rivojlanadi va arzimasdek ko‘rinadi. Haddan tashqari ko‘p terlash, mutaxassislarning so‘zlariga ko‘ra, tananing asosan tepa qismida kuzatiladi. Agar o‘zingizda ushbu alomatni payqasangiz, shifokorga murojaat qiling.
Parkinson xastaligi — markaziy nerv tizimining sekin rivojlanib boruvchi degenerativ kasalligi bo‘lib, asosan gipokineziya, mushaklar qattiqlashishi, tinch holatda titrash va postural buzilishlar singari harakat buzilishlari bilan ifodalanadi.