Xorijiy OTMlar bilan transformatsiya qilish uchun 5ta OTM ochiq tanlov asosida saralab olinmoqda. Ular qabul parametrlarini mustaqil belgilaydi, bakalavriat imtihonlarini mustaqil o‘tkazadi.27 oktabrda imzolangan hukumat qarori bilan 2021 yil 1 martga qadar xorijiy OTMlar bilan transformatsiya qilish uchun 5ta OTM ochiq tanlov asosida saralab olinadi. Bu haqda “Huquqiy axborot” kanali xabar bermoqda.
2021/2022 o‘quv yilidan tajriba-sinov tariqasida transformatsiya qilinadigan oliy ta’lim muassasalarida:
- bakalavriat va magistratura uchun to‘lov-kontrakt asosidagi qabul parametrlari ularning o‘zlari tomonidan belgilanadi;
- bakalavriatga kirish imtihonlari mustaqil o‘tkaziladi;
- ta’lim jarayoniga hamkor sifatida biriktirilgan nufuzli xorijiy OTM professor-o‘qituvchilari jalb qilinadi.