Hozirda Toshkent tuman hududidagi dehqon bozorlar, qishloq xo‘jaligi mahsulotlari sotuvchilar, tikuvchilar, aholi uylarini ta’mirlovchilar, transport vasitalariga texnik xizmat ko‘rsatuvchilar, sartaroshlar, nonvoylarni hisobga olish bo‘lib, ularga tegishli tushuntirish ishlarini olib borish bo‘yicha 9 nafar DSI xodimi jalb qilingan.- Bugun o‘zini o‘zi band qilgan fuqaro sifatida mobil ilova orqali bepul ro‘yxatdan o‘tdim,-deydi Toshkent tumani Qo‘qsaroy QFY F.Xadjayev ko‘chasida istiqomat qiluvchi Muxtabar Xayitmetova. Shirinliklar tayyorlab xalqimizning yaxshi kunlarida xizmat qilyapman. Sohada 12 yillik tajribam bo‘lsada, mehnat faoliyatim hech qayerda qonuniy qayd etilmagan edi. Endilikda ish stajim mehnat daftarchasiga yoziladi, bu esa pensiya yoshiga yetganimda nafaqa tayinlash uchun talab qilinadigan mehnat staji yo‘qligi muammosini bartaraf etadi.
Xulosa o‘rnida shuni aytish mumkinki, aholi bandligini ta’minlash va kambag‘allikni qisqartirish borasida qilinayotgan bu kabi ezgu ishlar mamlakat iqtisodiyotda o‘sishi va albatta aholi farovonligini oshishiga xizmat qiladi.
Toshkent viloyati davlat soliq boshqarmasi matbuot xizmati.