Tovarlarni yashirincha olib kirishga bo‘lgan urinish bojxonachilar tomonidan fosh etildi.Jumladan, Qoraqalpog‘iston Respublikasi bojxona boshqarmasi “Dout-ota” chegara bojxona postiga qo‘shni mamlakatdan kirib kelgan “Mercedes Benz” rusumli yuk avtotransport vositasi postdagi inspeksion ko‘rik majmuasi yordamida bojxona nazoratidan o‘tkazildi.
Natijada, mazkur avtotransport vositasida hujjatlarda ko‘rsatilmagan umumiy qiymati 149 million so‘mlik 1972 dona xo‘jalik tovarlari va hashoratlarga qarshi dori vositalari borligi aniqlandi.
Hozirda holat yuzasidan bojxona organlari tomonidan surishtiruv harakatlari davom ettirilmoqda.