Sirtqi ta’lim 100%, kechki ta’lim esa 50% masofaviy ta’lim shakliga o‘tkaziladi

Avval xabar qilganimizdek, bugun AOKA anjumanlar zalida «Karantin davrida ta’lim tizimidagi cheklovlar, qabul jarayonlari va sohaga oid boshqa o‘zgarishlar» mavzusida brifing bo‘lib o‘tdi.

Unda Oliy va o‘rta maxsus ta’lim vaziri Inomjon Majidov quyidagilarni ma’lum qildi:
"Sirtqi ta’lim 100% masofaviy ta’lim shakliga o‘tadi. Kechki ta’lim shakli bo‘yicha ishlarni rejalashtirganmiz, qanday vaziyat bo‘lishidan qat’iy nazar, 50% masofaviyga o‘tadi. Kunduzgi ta’lim borasida qanday yo‘l tutilishi karantin sharoitidan kelib chiqib belgilanadi" - dedi vazir.