Oqqo‘rg‘on tumani “qizil” hududdan “sariq” hududlar toifasiga kiritildi

O‘zbekistonda hududlarning epidemiologik toifalanishi boshlanganida “qizil” hududlar safiga kiritilgan Oqqo‘rg‘on tumani soliq idoralari, IIB, milliy gvardiya, prokuratura xodimlarining sa’y-harakatlari bilan “sariq” hududlar qatoriga o‘tdi.

Tumanda ayni mazkur virusning tarqalishini oldini olish maqsadida ayrim savdo majmualari, jumladan, Oqqurg‘on tumani dehkon bozori, qurilish mollari, sartaroshlik xizmati va boshqa turdagi tadbirkorlik sub’ektlarining faoliyati vaqtincha to‘xtatilgan.

Ta’kidlash kerakki, Oqqo‘rg‘on tumani davlat soliq inspeksiyasi xodimlari tomonidan olib borilgan targ‘ibot va tushuntirish ishlariga qaramasdan, karantin koidalarini qo‘pol ravishda buzgan tadbirkorlik sub’ektlari ham uchrab turibdi.

Xususan, faoliyat turi xizmat ko‘rsatish bo‘lgan yakka tartibdagi tadbirkor Eldor Muxammadiyev, kurilish mollari savdosi bilan shug‘ullanuvchi «Bilol Muxammadamin Muxammadrizo» MCHJ rahbari Xurshid Chintashev, sartaroshlik xizmati bilan shug‘ullanuvchi Muslidin Abdualimov kabi o‘nlab tadbirkorlarning savdo majmualari vaktincha yopib quyildi va tuman DSI xodimlari tomonidan qat’iy ogohlantirildi. Olib borilgan targ‘ibot ishlariga qaramasdan mazkur tadbirkorlar sanitariya qoidalari va gigiyena me’yorlariga javob bermaydigan holatda o‘z faoliyatlarini davom ettirishgan.



Bundan tashqari tumanda narxlarning sun’iy ravishda oshirilish holatlarini oldini olish maqsadida hududlarda ko‘chma savdo yarmarkalari hamda aholini oziq-ovqatga bo‘lgan ehtiyojini qondirish uchun "Elga xizmat" ta’minot turidan foydalanish ishlari yo‘lga qo‘yilgan.