Navoiyda yer ostida yetishtirilayotgan 67 tup «kannabis» topildi

^{Foto: IIB axborot xizmati}
Navoiy viloyati IIB, viloyat DXX boshqarmasi hamda Navoiy shahar IIB xodimlari hamkorligida “Qoradori-2020” tadbiri o‘tkazildi, deb xabar bermoqda Navoiy viloyati IIB axborot xizmati.

Unda, 1975 yil Karmana tumanida tug‘ilgan, hozirda Karmana tumani “Arg‘un” MFYda yashovchi Q.R. Navoiy shahri, “Kimyogar” MFYda joylashgan “Navoiyazot” AJga qarashli korxonaning orqa tomonidagi chuqurlikka 67 tup “kannabis” giyohvandlik o‘simligini ekib, yetishtirayotganligi aniqlandi.

Navoiy shahar IIB tomonidan fuqaro Q.R.ga nisbatan O‘zbekiston Respublikasi Jinoyat kodeksining 270-moddasi 1-qismi bilan jinoyat ishi qo‘zg‘atilgan.
Bildirilishicha, ayblanuvchi Q.R. chuqurlikda yetishtirib kelayotgan tarkibida giyohvand moddasi bo‘lgan o‘simliklarini tunda parvarishlab kelgan.