O‘zbekiston musulmonlari idorasining 2020 yil Ramazon hayitini nishonlash to‘g‘risidagi Bayonoti qabul qilindi.Karantin talablaridan kelib chiqib, Ramazon hayiti arafasida va hayit kunlari bajariladigan amallar bo‘yicha qarorlar qabul qilingan.
Unga ko‘ra, o‘tgan marhumlarning haqlariga qilinadigan duoi fotihalarni qat’iy ravishda yurtdoshlarimiz o‘z xonadonlarida, oila davrasida bajarishi tavsiya qilingan.
Shuningdek, qabriston va ziyoratgohlarga borishdan tiyilish, yoshi ulug‘ keksalar va bemorlar holidan xabar olish hamda hayit bilan tabriklash hamda boshqa milliy urf-odatlarimiz bilan bog‘liq an’analarni uyali aloqa vositalari orqali amalga oshirib turish so‘ralgan.