Toshkentda «Tez tibbiy yordam» mashinasi ishtirokida YTH sodir bo‘ldi

^{Foto: Ijtimoiy tarmoqlar}
Bugun, 14 aprel kuni poytaxtning Nurafshon va Chig‘atoy ko‘chalarini kesishmasida “Tez tibbiy yordam” mashinasi ishtirokida YTH sodir bo‘ldi. Ijtimoiy tarmoqlarda tarqalgan suratlardan ko‘rinib turibdiki, tez tibbiy yordam xizmatining yangi rusumdagi avtomobiliga old va yon tomonlardan jiddiy zarar yetgan va mashina ag‘darilgan. Katta ehtimol bilan YTH azaliy muammo – tez yordam mashinasiga yo‘l berish madaniyati yo‘qligi tufayli kelib chiqqan.

Ayni paytda yo‘l-transport hodisasi oqibatida jarohatlanganlar yoki vafot etganlar to‘g‘risida ma’lumot mavjud emas, hodisa yuzasidan rasmiy ma’lumot berilmagan.