Koronavirus kasalligiga qarshi kurashish respublika maxsus komissiyasining axboroti e’lon qilingani haqida xabar bergandik.Unga ko‘ra, joriy yil 6 apreldan e’tiboran qator cheklovlar joriy etiladi.
Xususan, «o‘zini yakkalash» hayot tarzi Nukus va Toshkent shaharlari hamda viloyatlar markazlarida majburiy ravishda joriy etiladi, karantin davrida maxsus ruxsatnomasiz boshqarilgan transport vositalari jarima maydonchasiga joylashtiriladi, yirik dehqon bozorlari va savdo majmualariga (supermarket, gipermarket va boshqalar) tana harorati 37 S va undan yuqori bo‘lgan fuqarolar kiritilmaydi.
Toshkent va Nukus shaharlari hamda viloyat markazlarida 2020 yil 6 aprel soat 06-00 dan e’tiboran mototransport (skuter) hamda velosipedda harakatlanish karantin davrida vaqtincha cheklanadi.
Bunda faqatgina hayotiy zarur ehtiyojlar – oziq-ovqat, dori-darmon, tibbiy buyum va vositalar xarid qilish, shifokor ko‘rigiga murojaat etish, shuningdek, ish joyiga borish va kelish uchun ruxsat etiladi.