OKMK futbol klubi bosh murabbiyi Mirjalol Qosimov koronavirus pandemiyasiga qarshi kurashga o‘z hissasini qo‘shdi.Mutaxassis mamlakatda koronavirusga qarshi kurash va muhtojlarga yordam ko‘rsatish maqsadida «O‘zbekiston mehr-shafqat va salomatlik» fondiga 75 million so‘m miqdorida pul mablag‘i o‘tkazib berdi. Bu haqda olmaliqliklar matbuot xizmati ma’lum qildi.
Eslatib o‘tamiz, Qosimov yanvar oyida 20-Tolariq saylov okrugidan xalq deputatlari Toshkent shahar kengashi deputatligiga saylangandi.
Avvalroq O‘zbekiston terma jamoasi yarim himoyachi Otabek Shukurov 100 million so‘m miqdorida xayriya qilgani xabar qilingandi.