Foto: LiveJournal«Koronavirus profilaktikasi chora-tadbirlari doirasida shahar bozorlari yopilmaydi. Ularning ish tartibi o‘zgarishsiz qoldiriladi», – deyiladi hokimlik xabarida.
Avvalroq O‘zbekiston hukumati oziq-ovqat va boshqa zaxiralar yetarli darajada g‘amlanganini ma’lum qilgan edi.
Shuningdek, karantin vaqtida narx-navoni asossiz oshirish holatlariga qarshi keskin choralar ko‘riladi.
«Dori vositalari narxi oshishi mumkin. Bozorlarda, do‘konlarda ham narx oshib ketishi mumkin. Lekin bunga qarshi jiddiy kurashiladi», – dedi Bosh vazir Abdulla Aripov.
Uning qo‘shimcha qilishicha, prezident topshirig‘i bilan Bosh prokuratura huzuridagi departament hamda Davlat soliq qo‘mitasi buni juda qattiq nazorat qiladi.
«Narx-navo bo‘yicha hamma qattiq ogohlantirilmoqda, o‘yin qilmoqchi bo‘lganlar jinoiy javobgarlikka tortiladi. Bu xalq boshiga tushgan sinov. Bu vaziyatdan birgalikda chiqib ketishimiz mumkin», dedi hukumat rahbari jurnalistlar bilan uchrashuvda.