Majburiy ijro byurosi Yangiqo‘rg‘on tuman bo‘limi xodimloari tomonidan o‘tkazilgan navbatdagi tadbir mobaynida yashash xonadonida issiqxona tashkil etgan fuqaroning qilmishini fosh etdilar. Gap shundaki, xodimlar tomonidan tumanning G‘alaba mahallasida istiqomat qiluvchi U.Dehqonovning to‘lov intizomiga rioya etishlari o‘rganilganda noqonuniy tabiiy gazdan foydalanayotgani ma’lum bo‘ldi. “Hech kim ko‘rmaydi” deya u hovlisiga barpo etgan issiqxonaga hisoblagichdan tashqari qo‘shimcha tarmoq tortib olgan.
Mazkur holat yuzasidan Byuroning tuman bo‘limi inspektorlari tomonidan dalolatnoma rasmiylashtirildi va issiqxona tabiiy gaz tarmog‘idan ajratib qo‘yildi.
Hozirda ta’minotchi korxonaga yetkazilgan zarar summasi hisoblanmoqda.