Majburiy ijro byurosining Guliston shahar bo‘limi ish yurituvida bo‘lgan fuqarolik ishlari bo‘yicha Sirdaryo viloyat sudining 2019 yil 20 martdagi aliment undirish bo‘yicha ijro hujjatiga asosan, qarzdor N.M.dan sobiq turmush o‘rtog‘i, undiruvchi E.E.ga voyaga yetmagan uch nafar farzandlari moddiy ta’minoti uchun 1/2 qism miqdorda voyaga yetguncha aliment undirish lozim edi.
Davlat ijrochilari aliment undiruvi borasidagi ijro harakatlari olib borilishida taraflarning o‘zaro kelishuvi, hatto yarashuviga ham katta e’tibor berilgani o‘z samarasini bermoqda.
Bu so‘zlarimizga birgina misol, yuqorida qayd etilgan sobiq er-xotinlarning uch nafar farzand oldidagi burchlari va mas’uliyatlari, kelajakdagi orzu-umidlarining ushalishi borasidagi sa’y-harakatlar natijasida ushbu oila MIB tashabbusi bilan qayta tiklandi.
Shu o‘rinda, joriy yilning o‘tgan davr mobaynida MIB Guliston shahar bo‘limi davlat ijrochilari tomonidan 30 ta oila qayta tiklandi. Bunday xayrli ishlarda bolajonlarimizning quvonchi cheksiz. Oila – muqaddas. Uni asrab-avaylash har birimizning burchimiz. Bunday xayrli ishlar davom etadi.