Azaldan, ota-bobolarimiz bizlarga halol, pokiza narsalardan yeyishni uqtirib kelishgan. Agarda halol-pokiza narsa harom yo‘l bilan topilsa, harom bo‘ladi. Hatto oddiygina nonni noto‘g‘ri yo‘l bilan olsangiz, hammaga halol non sizga harom bo‘ladi. Xo‘sh, non ishlab chiqaruvchi tadbirkor bu borada qing‘ir yo‘lni tanlasachi?!Xo‘jaobod tumanining Sanoatchi mahallasida joylashgan non ishlab chiqarish sexida o‘tkazilgan monitoringda Majburiy ijro byurosi Xo‘jaobod tuman bo‘limi xodimlari iste’molchining elektr hisoblagichi kuygan holda elektr energiyasidan noqonuniy foydalanib kelayotganligini aniqlashdi.
Mazkur holat yuzasidan qoidabuzarlik dalolatnomasi rasmiylashtirilib, non ishlab chiqarish sexi tarmoqdan uzib qo‘yildi. Albatta, sexning tuman elektr tarmoqlari korxonasiga yetkazgan zarar miqdori hisob-kitob qilingach, undirib olinishi, shubhasiz.