Anjumanda tugʻruqxonalardagi poraxoʻrlik, suyunchi berish kabi masalalar ham koʻtarildi. Ushbu savolga sogʻliqni saqlash vaziri oʻrinbosari Abduhakim Hojiboyev javob berdi.“Suyunchini kim beradi? Suyunchini suyungan odam beradi. Koʻzi yorigan ayolning eri, qaynotasi, qaynonasi beradi. Uni toʻxtatish bizning vazifamiz emas. U xalqning oʻzining qoʻlidagi narsa. Men buni boʻlishi kerak deb aytayotganim yoʻq, mutlaqo”, — deydi sogʻliqni saqlash vaziri oʻrinbosari Abduhakim Hojiboyev.