Zargarlik buyumlarini yashirincha olib o‘tishga bo‘lgan urinishlarga qarshi bojxonachilar tomonidan keskin kurash olib borilmoqda.Jumladan, Toshkent” xalqaro aeroportiga xorijdan uchib kelgan fuqaro F.A.ning xatti-harakatlari bojxonachilar e’tiborini tortdi va ushbu shaxs belgilangan tartibda bojxona ko‘rigidan o‘tkazildi. Bu haqda Davlat bojxona qo‘mitasi axborot xizmati xabar bermoqda.
Natijada, ushbu shaxs yuklari orasida bojxona nazoratiga taqdim etilmagan 2880,4 gramm bo‘lgan oq va sariq rangli metaldan yasalgan zargarlik buyumlari borligi aniqlangan.
Hozirda ushbu holat yuzasidan bojxona organlari tomonidan surishtiruv harakatlari davom ettirilmoqda.