O‘zbekistonda xorijiy hostel tarmoqlari ochiladi

^{Foto: TripAdvicor}
O‘zbekistonda yetakchi xorijiy hostel tarmoqlarini barpo etish uchun bir qator yuqori sifatli hostellarni tashkil etish rejalashtirilgan. «Togri.uz»ning xabar berishicha, bu haqda qonun muhokamalari portalida e’lon qilingan O‘zbekistonning kompleks ijtimoiy iqtisodiy rivojlantirish konsepsiyasi loyihasida ko‘zda tutilgan.

Xususan, O‘zbekistonda Nice, A&O Hotels and Hostels, Stayokay, The Youth Hotel Network of Catalonia, The Equity Point Group kabi hostel tarmoqlari ochilishi rejalashtirilmoqda.

Bundan tashqari, hujjatga ko‘ra, Hostellar milliy assotsiatsiyasi, shuningdek, yotoqxonalar uchun ekskursiya xizmatlarining yagona elektron tizimi yaratiladi, bu esa sifatli turar joy xizmatlarini olishga imkon beradi.

Shu bilan birga, turli mamlakatlardan kelgan sayyohlarning millatidan kelib chiqib mehmonxonalarda ovqatlanish markazlari tarmog‘ini kengaytirish rejalashtirilgan. Bu esa turar joy va oziq-ovqat xizmatlari 3,2 martaga o‘sishiga olib kelishi mumkin.