Toshkent viloyati Zangiota tumanida fuqaro oʻz xotinini zanjirband qilgani haqida xabar berilgandi. Toshkent viloyati IIBB matbuot xizmati “Toshkent” telekanali bilan hamkorlikda ushbu holat tafsilotlarini maʼlum qildi. Xususan, oʻz xotinini zanjirband qilgan er nega bunday yoʻl tutganiga izoh bergan.
Eslatib oʻtamiz, oʻz uyida bu fuqaro turmush oʻrtogʻining oyogʻini zanjir bilan noqonuniy tarzda bogʻlab qoʻygan. Bu haqda tuman ichki ishlar boʻlimiga murojaat tushgan.
Zangiota tumani IIB xodimlari tezkor oʻrganish maqsadida xonadonga borishgan. Oʻrganish davomida ayol tan jarohatlari yuzasidan sud tibbiy ekspertizasi oʻtkazilgan.
Hozir ushbu holat yuzasidan Zangiota tumani IIB huzuridagi Tergov boʻlimi tomonidan jinoyat ishi qoʻzgʻatilib, tergov harakatlari olib borilmoqda.