Fuqarolik ishlari bo‘yicha Kattaqo‘rg‘on tumanlararo sudining sud hujjatiga asosan qarzdor B.Yarashev tomonidan undiruvchi N.Nazarovaning foydasiga bir nafar farzandining voyaga yetgunlariga qadar moddiy ta’minoti uchun har oydagi ish haqi va boshqa daromadlarining to‘rtdan bir qismi miqdorida aliment pulini to‘lab borishi belgilangan.Qarzdor B.Yarashev aliment pullarini to‘lashdan qasddan bo‘yin tovlab kelganligi sababli Kattaqo‘rg‘on tumanlararo ma’muriy sudining qarori bilan O‘zbekiston Respublikasi Ma’muriy javobgarlik to‘g‘risidagi Kodeksning 47(4)-moddasi bilan 15 sutka ma’muriy qamoq jazosi tayinlangan.
Fuqaro B.Yarashev ma’muriy qamoq jazosini o‘tab chiqib, o‘ziga tegishli xulosa chiqarmasdan, voyaga yetmagan farzandlarini moddiy ta’minlashdan qasddan muttasil bo‘yin tovlab kelgan. Bugungi kunga kelib uning qarzdorligi 52 mln. 330 ming so‘mni tashkil etgan.
Mazkur holat yuzasidan Majburiy ijro byurosining Kattaqo‘rg‘on shahar bo‘limi tomonidan fuqaro B.Yarashevga nisbatan O‘zbekiston Respublikasi Jinoyat Kodeksining 122-moddasi 1-qismi bilan jinoyat ishi qo‘zg‘atilib, surishtiruv harakatlari olib borilmoqda.