Ko‘za kunda emas kunida sinadi...Shahrixon tumanlararo gaz ta’minoti uchastkasi Bo‘z tuman bo‘yicha gaz tarmoqlari va gaz taqsimlash qurilmalaridan foydalanish xizmati ustasi A.Amadjanov fuqaro D.Abdullayevaning yashash xonadoniga tortilgan gaz quvurini tabiy gaz tarmog‘iga ulab berdi.
Fuqaro Abdullayeva aslida tabiy gaz yetkazib berilishi uchun 18.587 (o‘n sakkiz ming besh yuz sakson yetti) so‘m to‘lov qilish kerak edi.
Ta’minotchi korxona xodimi A.Axmadjonov fuqaroning ishonuvchan va soddaligidan foydalanib, uni aldab, ishonchiga kirib, unga 2 mln. 30 ming so‘m miqdorda to‘lovi borligini ma’lum qildi.
Majburiy ijro byurosining tezkor xodimlari tomonidan o‘z vaqtida ko‘rilgan chora fuqaroning firibgar to‘riga tushishidan saqladi.
Korxona xodimi A.Axmadjonov tomonidan talab qilingan pullardan 2.000.000 (ikki million) so‘mini Bo‘z tumanidagi “Bo‘z avtoshohbekat” yonida firibgarlik yo‘li bilan olgayotgan vaqtida ushlandi.
Ushbu holat bo‘yicha A.Axmadjonovga nisbatan O‘zbekiston Respublikasi JKning 168-moddasi bilan jinoyat ishi qo‘zg‘atilib, tergov organiga yuborilgan.