Foto: Davlat yong‘in xavfsizligi xizmati Surxondaryoning Qiziriq tumanida 15 sentyabr, yakshanba kuni soat 14:00 atrofida «Yangiobod» mahallasi bo‘ylab Angordan Qiziriqqa tomon ketayotgan traktor yonib ketgan.
Voqea joyiga o‘t o‘chirish bo‘linmasi yetib kelgan vaqtda traktor to‘liq yonayotgan bo‘lgan. Yong‘in o‘chirilgan, traktor haydovchisi — 1990 yilda tug‘ilgan fuqaro U.E. esa kuyish tan jarohati olgan.
«Yong‘in sababi va moddiy zarar miqdori aniqlanmoqda», — deyiladi FVV Yong‘in xavfsizligi bosh boshqarmasi OAV bilan hamkorlik qilish bo‘linmasi axborotida.