Prezident Shavkat Mirziyoyev Qoʻqon shahrida oʻtayotgan Xalqaro hunarmandchilik festivalining ochilish marosimida ishtirok etish uchun 14-sentyabr kuni Fargʻona viloyatiga joʻnab ketdi.Davlat rahbari matbuot xizmati xabariga koʻra, tashrif davomida, shuningdek, Qoʻqon va Margʻilon shaharlarida sanoatni kompleks rivojlantirish borasidagi saʼy-harakatlar bilan tanishish moʻljallangan.
Bundan tashqari, ishlab chiqarish korxonalarini koʻzdan kechirish, tadbirkorlar, ziyolilar bilan uchrashish ham rejalashtirilgan.