Navoiy shahrida yashovchi ikkita tadbirkorning o‘zaro kelishuvlari asosida qarz oldi-berdisi oxir-oqibat sudgacha yetib borishi natijasida Fuqarolik ishlari bo‘yicha Karmana tumanlararo sudining 05.03.2018 yilda qarzni da’vogar foydasiga undirish haqidagi qaror bilan yakunlandi. Lekin faqat qarorning o‘zi da’vogarning da’volarini ta’minlash uchun yetarli emas, mazkur qaror yuzasidan chiqarilgan ijro hujjatlari MIB Navoiy shahar bo‘limiga 08.02.2019 yilda kelib tushgan.
Mazkur kelib tushgan ijro varaqasi asosida olib borilgan ijro harakatlari natijasida fuqaro U.Qo‘ziyevga fuqaro R.Umarovdan 155 261 ming so‘m va 3 105 ming so‘m miqdoridagi qarz summalari undirib berildi.