Foto: Xorazm viloyati turizmni rivojlantirish departamentiAvval xabar berganimizdek, Butunjahon etnosport konfederatsiyasi rahbari Bilol Erdo‘g‘on boshchiligidagi delegatsiya Xorazm viloyatiga keldi.
Joriy yil 6—8 sentyabr kunlari Xivada xalqaro kamondan otish va milliy o‘yinlar festivali o‘tkaziladi.
Mehmonlar mazkur sport festivali o‘tkaziladigan «Ichan-Qal’a» davlat muzey-qo‘riqxonasi hududini ko‘zdan kechirdi. Ko‘hna ark, Pahlavon Mahmud majmuasi, Qozi Kalon madrasasi, Kalta minor yodgorligi va boshqa diqqatga sazovor joylar bilan tanishdi.
Xorazm viloyati turizmni rivojlantirish departamenti matbuot xizmatiga ko‘ra, mehmonlardan biri — Mexmet Fotih ulug‘ shoir ruboiylaridan ilhomlanib, Pahlavon Mahmud ziyoratgohida azon va baytlar o‘qidi.