Jinoyat ishlari boʻyicha Yangiyoʻl tuman sudining ijro varaqasiga asosan qarzdor M.Maraimovdan 17 nafar fuqarolar foydasiga 307 286 798 soʻm yetkazilgan moddiy zararlarni undirish belgilangan.Byuroning Yangiyoʻl tumani boʻlimining davlat ijrochilari tomonidan olib borilgan ijro harakatlari davomida, qarzdorga tegishli boʻlgan “Malibu” rusumli avtotransport vositasi xatlandi va 153 719 568 soʻmga baholandi. 17 nafar undiruvchiga mazkur avtotransport vositasini sotib olish taklifi berildi.
Undiruvchilardan biri ushbu taklifga rozi boʻlib, oʻzining 60 000 000 soʻm zarar qismi hisobiga “Malibu” rusumli avtotransport vositasini sotib oldi va qolgan 93 719 568 soʻmni boʻlim depozit hisobraqamiga oʻtkazib berdi.
Ushbu mablagʻlar Oʻzbekiston Respublikasi “Sud hujjatlari va boshqa organlar hujjatlarini ijro etish toʻgʻrisida”gi Qonunning 80-moddasiga asosan qolgan 16 nafar undiruvchilarga taqsimlab berildi.