Majburiy ijro byurosi Yangiariq tuman bo‘limida Jinoyat ishlari bo‘yicha Yangiariq tuman sudining 16.05.2014 yildagi ijro varaqasiga asosan qarzdor M.Sapayevdan fuqaroviy da’vogar AT “Aloqabank” Xorazm filiali foydasiga 64 mln. 224 ming so‘m yetkazilgan zararni undirish to‘g‘risidagi ijro hujjati mavjud.Mazkur ijro hujjati yuzasidan qarzdorni nomiga so‘rovnomalar yuborilgan, olingan javoblarga ko‘ra undiruvga qaratish mumkin bo‘lgan mol-mulklari aniqlanmagan.
Natijada, mazkur ijro hujjati ijrosini ta’minlash maqsadida qarzdor M.Sapayevni yashash manziliga borilgan va majburiy ijro harakatlari davomida qarzdordan naqd 64 mln. 224 ming so‘m pul mablag‘i undiruvchi AT “Aloqabank” Xorazm filiali foydasiga undirib berildi.