Respublika tovar-xom ashyo birjasi axborot tizimida chiroyli sonlar kombinatsiyasiga ega mobil telefon raqamini sotish boʻyicha ilk bitim tuzildi.
Oʻtkazilgan elektron savdo natijasiga koʻra onlayn auksion orqali Usell uyali aloqa operatorining (+998 93) 577-88-88 mobil raqami sotildi. Ushbu lot joriy yil 4-iyun kuni Toshkent shahri jismoniy shaxslari uchun savdoga quyilgan edi.
Raqobat jarayonida savdo ishtirokchilari bir necha marotaba oʻz narx takliflarini berishdi. Natijada boshlangʻich bahosi 4 000 000 soʻmlik mobil raqamning sotilish qiymati 5 360 000 soʻmgacha yetdi. Oʻsish darajasi boshlangʻich narxga nisbatan 34 foizni tashkil etdi.