Oliy va oʻrta maxsus taʼlim vazirligi hamda Davlat inspeksiyasining qoʻshma qarori bilan xalqaro tan olingan tashkilotlarning oliy taʼlim muassasalari reytingida birinchi 1000 talikka kiritilgan oliy taʼlim muassasalari roʻyxati tasdiqlandi.Roʻyxat quyidagi xalqaro tashkilotlari reytingi asosida tuzildi:
ARWU – The Academic Ranking of world Universities;
THE – Times Higher Education;
QS – Quacquarelli Symonds World University Rankings.
Reytingda birinchi 1000 ta oʻrinni egallagan oliy taʼlim muassasalari bitiruvchilarining taʼlim toʻgʻrisidagi hujjatlarini nostrifikatsiyalash (ekvivalentligini qayd etish) toʻgʻridan-toʻgʻri (maxsus sinovlarsiz) amalga oshiriladi.
Qoʻshma qaror bilan tasdiqlangan xalqaro tan olingan tashkilotlarning OTMlar reytingida birinchi 1000 talikka kiritilgan oliy taʼlim muassasalari 2018 yilda eʼlon qilingan roʻyxat asosida shakllantirilgan hamda navbatdagi reyting eʼlon qilingunga qadar amal qiladi.