Davlat bojxona qo‘mitasi O‘zbekiston Respublikasi prezidentining “Bojxona ma’muriyatchiligini takomillashtirish va O‘zbekiston Respublikasi davlat bojxona xizmati organlari faoliyati samaradorligini oshirish bo‘yicha qo‘shimcha chora-tadbirlar to‘g‘risida” 2018 yil 24 noyabrdagi PF-5582-son Farmoniga muvofiq, Toshkent hududidagi bojxona postlarida tashqi iqtisodiy faoliyat ishtirokchilariga bojxona yuk deklaratsiyasini to‘ldirish bo‘yicha bepul asosda xizmat ko‘rsatuvchi «front-ofis»ga ishga taklif etmoqda.«Front-ofis»ga nomzodlar tanlov asosida tanlab olinadi. Tanlovdan o‘tgan nomzodlar fuqarolik-huquqiy shartnoma asosida ishga qabul qilinadi hamda ularga ishbay asnoda ish haqi to‘lanadi.
Nomzodlarga qo‘yiladigan talablar:
- O‘zbekiston Respublikasi fuqarosi bo‘lishi;
- o‘rta maxsus yoxud oliy ta’lim muassasalarining diplomiga ega bo‘lishi;
- bojxona qonunchiligiga oid bilimlarga va ularni amaliyotga qo‘llash, shuningdek, tashkiliy texnikalar (kompyuter, skaner, printer
va boshqalar) bilan ishlash ko‘nikmalariga ega bo‘lishi;
- yuklatilgan majburiyatlarni bajarishga qodir bo‘lishi;
- bojxona va boshqa huquqni muhofaza qiluvchi organlaridan salbiy asoslar bilan bo‘shatilmagan bo‘lishi kerak.
Talab etiladigan hujjatlar:
1) fuqarolik pasport nusxasi;
2) 086/u shakldagi tibbiy ma’lumotnoma;
3) narkologiya va ruhiy-asab kasalliklari dispanserlari tomonidan berilgan ma’lumotnoma;
4) oxirgi ish joyidan tavsifnoma hamda ma’lumoti to‘g‘risida diplom.
Murojaat uchun manzillar:
Toshkent shahar bojxona boshqarmasi: Toshkent shahri, Bunyodkor shoh ko‘chasi 35, tel.: 71-120-76-76;
Toshkent viloyati bojxona boshqarmasi: Toshkent viloyati, Nurafshon shahri, Toshkent yo‘li ko‘chasi 90-uy, tel.: 71-120-86-10;
“Toshkent-AERO” ixtisoslashtirilgan bojxona kompleksi: Toshkent shahri, Islom Karimov nomidagi “Toshkent” xalqaro aeroporti, tel.: 71-120-86-30.