Majburiy ijro byurosi ilk marta “E-IJRO AUKSION” yagona elektron savdo maydonchasining onlayn-elektron tanlov savdolarida davlat mulki ob’ektlarini investitsiya kiritish hamda yangi ishchi o‘rinlar yaratish sharti bilan “nol” xarid qiymati bo‘ycha sotib olish imkonini yaratdi.O‘zbekiston Respublikasi Prezidentining 2018 yil 30 aprelda “Tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga berish tartibini tubdan takomillashtirish chora-tadbirlari to‘g‘risida”gi 3677-sonli Qarorida 2018 yilning 1 iyulidan boshlab yuridik va jismoniy shaxslarga tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga berish «E-IJRO AUKSION» yagona elektron savdo maydonchasida elektron auksion orqali amalga oshirilishi belgilangan edi.
Endi tadbirkorlikni boshlamoqchi va kengaytirmoqchi bo‘lgan fuqarolar uchun ochiq, shaffof va qulay onlayn-elektron tizim orqali yer uchastkalarini ortiqcha sarsongarchiliksiz sotib olish imkoniyati yaratildi.
Hozirda quyidagi yer uchastkalari auksion savdolariga qo‘yilgan.
Auksionga qo‘yilgan boshqa mol-mulklar bilan tanishish uchun www.e-auksion.uz saytiga tashrif buyuring.