“Termiz-Toshkent” yo‘lining 1173-kmda ketayotgan yuk avtomashinasi qarama-qarshi tomondan kelayotgan Nexia yo‘liga chiqadi.2 iyul kuni Qashqadaryo viloyatining Shahrisabz shahrida ikki kishining o‘limiga sabab bo‘lgan YTH sodir bo‘ldi.
IIVdan ma’lum qilinishicha, Yakkabog‘ tumanida yashovchi Sh.Nosirov (ismi o‘zgartirilgan) “Kamaz-55102” yuk avtomashinasini shahar hududidan o‘tuvchi “Termiz-Toshkent” yo‘lining 1173-kmda haydab ketayotib qarama-qarshi yo‘nalishda harakatlanib kelayotgan Qamashi tumanida yashagan S.Fozilov (ismi o‘zgartirilgan) boshqaruvidagi Nexia bilan to‘qnashuv sodir etgan.
Natijada Nexia haydovchisi S.Fozilov va uning yo‘lovchisi S.Po‘lotova (ismi o‘zgartirilgan) jiddiy jarohat olib shifoxonaga yotqizilgan. Biroq ko‘rsatilgan tibbiy muolajalarga qaramay, haydovchi va yo‘lovchi vafot etgan.