Joriy yilning o‘tgan davrda Prezidentimiz farmoniga asosan 381 nafar fuqaroligi bo‘lmagan shaxslar O‘zbekiston Respublikasi fuqaroligiga qabul qilindi.Bu haqda Oliy Majlis Senatining o‘n beshinchi yalpi majlisida nutq so‘zlagan Ichki ishlar vaziri Po‘lat Bobojonov ma’lum qildi.
Vazirning so‘zlariga ko‘ra, shu muddatda Toshkent shahri va Toshkent viloyati hududida doimiy yashash ro‘yxatga olinishi lozim bo‘lgan fuqarolarning qariyb 15,5 ming nafari ro‘yxatga olingan.
Eslatib o‘tamiz, oldinroq qaysi tashkilotda ishlovchi xodimlar Toshkent shahri va Toshkent viloyatida doimiy propiska qilinishi borasida ma’lumot bergandik.