1 mart kuni soat 03:30 lar chamasida, Xorazm viloyati Urganch shahri P.Mahmud ko‘chasida yashovchi Yu.K. o‘ziga tegishli “Lada Largus” rusumli transport vositasini Qo‘ng‘irot tumani hududidan o‘tgan A-380 «G‘uzor-Buxoro-Nukus-Beyneo‘» asfalt yo‘lining 900-901 kilometri oralig‘ida boshqarib ketayotib, ushbu asfalt yo‘lning chekkasida to‘xtab turgan, fuqaro P.T. boshqaruvidagi “KAMAZ” rusumli avtomashinaning tirkamasi orqa tomonidan kelib urilgan. Bu haqda Kruz.uz xabar bermoqda.Natijada, “Lada Largus” rusumli transport vositasida bo‘lgan yo‘lovchi, Nukus tumani “Kerder” OFYda yashovchilar S.B. va I.S., Qo‘ng‘irot tumani “Qo‘ng‘irot” OFYda yashovchi O.A. voqea joyida vafot etgan.
Mazkur holat yuzasidan O‘zbekiston Respublikasi JKning 266-moddasi 3-qismi “a” bandi bilan jinoyat ishi qo‘zg‘atilib, hozirgi vaqtda Qoraqalpog‘iston Respublikasi IIV huzuridagi Tergov boshqarmasi tomonidan tergov harakatlari olib borilmoqda.