Kosonsoy tumanining Go‘rmiron mahallasida yashovchi nogiron Yulduzoy Doniyorova uchun 2017 yil quvonchli voqealarga boy bo‘lgandi. Bu haqda Namangan Today xabar bermoqda.Kosonsoy tumani Go‘rmiron mahallasida yashovchi nogiron Yulduzoy Doniyorovani bugun mamlakatimizda ko‘pchilik yaxshi taniydi. U 2017 yilda muhtaram Prezidentimizning g‘amxo‘rligi tufayli namunaviy uyga ega bo‘lgan edi. Kasanachi sifatida uy mehnati bilan shug‘ullanishi uchun unga tikuv mashinasi berilgan.
Yulduzoy uchun o‘tgan yil qo‘shaloq quvonch keltirdi. Namangan muhandislik qurilish instituti talabasi bo‘ldi. Bugun esa ushbu xonadonda yana katta shodiyona va tantana. Prezidentimiz bayram munosabati bilan Yulduzoy Doniyorovaga bayram tabrigi yubordilar. Namangan viloyati hokimi Xayrullo Bozarov ana shu tabrikni egasiga yetkazdi.
