Endi mahalliy yo‘nalishlardagi poyezd hamda samolyotlarda milliy va jahon adabiyotining eng sara namunalari asosida tayyorlangan radioinssenirovkalar va audiokitoblarni alohida kanalga joylashtirishga va yangilab borishga kelishib oldindi. Bu haqda “Xabar.uz”ga O‘zbekiston matbuot va axborot agentligi axborot xizmati ma’lum qildi.Mazkur loyiha O‘zbekiston matbuot va axborot agentligi, O‘zbekiston milliy teleradiokompaniyasi, “O‘zbekiston temir yo‘llari” aksiyadorlik jamiyati, “O‘zbekiston havo yo‘llari” milliy aviakompaniyasi hamkorligida amalga oshirilmoqda.
Hozirgi vaqtda “O‘zbekiston havo yo‘llari” milliy aviakompaniyasida audiokitoblarni parvoz vaqtida yo‘lovchilarga namoyish etiladigan mediakontentga kiritish bo‘yicha ish olib borilmoqda. Audiokitoblar 2018 yil may oyidan boshlab bosqichma-bosqich kiritilishi rejalashtirilgan.
Shu o‘rinda “O‘zbekiston temir yo‘llari” aksiyadorlik jamiyati tomonidan ham bu borada kerakli ishlar amalga oshirilayotganini ta’kidlash lozim. Demak, endi yerda ham, osmonda ham kitob o‘qiymiz!