— Yoshim 28da bo‘lsa-da, hali uylanganim yo‘q. Juda ko‘p qizlar bilan gaplashdim, ammo ularning hech biri yoqmadi. Yaqinda ishxonamizga bir qiz ish so‘rab keldi. Rahbarimizga ma’qul keldi, shekilli, uni ishga oldi. U o‘zining farosati, kiyinishi, bilimi bilan aqlimni o‘g‘irladi. Surishtirsam, bir o‘g‘li bo‘lib, eri avtofalokatda vafot etgan ekan. Buni bilsam-da, uning yonidan ketgim kelmas, gaplarini tinglab, ko‘zlariga termulib o‘tirishni xohlardim. Bu orada munosabatlarimiz chuqurlashdi. Xayolimda u ham menga befarq emasdek…Ammo unga uylana olmayman. Birinchi navbatda, bunga ota-onam qarshi turadi. So‘ng do‘stlarimning kulgisiga qolaman. Biroq usiz yasholmayman. Nima qilishni, boshimni qay devorga urishni bilmay lolman.
… 56-59 abonenti
Manba: hordiq.uz