2017 yilning 9 noyabr kuni, soat taxminan 08:30larda, muqaddam sudlangan T.A. o‘zganing mol-mulkini yashirin ravishda talon-toroj qilish maqsadida, Toshkent shahri Bektemir tumanida joylashgan avtobuslar to‘xtash bekatida, fuqaro D.Yu.ning kissasidan narxi 1.500.000 so‘m bo‘lgan "SAMSUNG GALAXY S-4" rusumli uyali aloqa telefonini o‘g‘irlamoqchi bo‘lgan vaqtida ichki ishlar organlari xodimlari tomonidan ushlangan. Bu haqda poytaxt IIBB xabar bermoqda.Mazkur holat yuzasidan, Bektemir tumani IIB huzuridagi Tergov bo‘limi tomonidan O‘zbekiston Respublikasi JKning 25, 169-moddasi 2-qismi “a” bandi (kissavurlikka suiqasd qilish) alomatlari bilan jinoyat ishi qo‘zg‘atilgan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.