Yoqilg‘i-energetika kompleksini modernizatsiya qilish va texnologik qayta jihozlash, elektr energiyasi va tabiiy gazdan oqilona foydalanishga o‘tish mamlakatda amalga oshirilayotgan keng ko‘lamli ijtimoiy-iqtisodiy islohotlar muvaffaqiyatining garovi hisoblanadi.Shu maqsadda O‘zbekiston Respublikasi Prezidenti tomonidan joriy yilning 8 noyabr kuni “Energiya resurslaridan oqilona foydalanishni ta’minlash chora-tadbirlari to‘g‘risida”giqarori qabul qilindi. Ushbu qaror mamlakat miqyosida energiya tejamkor uslublar va texnologiyalarni joriy qilishda muhim qadam bo‘ldi.
Unga ko‘ra yakka tartibdagi uy-joy qurilishidan tashqari, barcha bino va inshootlarni loyihalashtirish, rekonstruksiya qilish va qurishda:
- issiq suv ta’minoti uchun sertifikatlangan quyosh suv isitgich qurilmalarini;
- energiya tejamkor lampalarni majburiy tartibda o‘rnatish ko‘zda tutilgan.
Ushbu tartib 2018 yil 1 yanvardan joriy qilinishi ko‘zda tutilgan.