28 sentyabr kuni Toshkent shahrida bo‘lib o‘tgan to‘yda taniqli o‘zbekistonlik xonandalar bilan bir qatorda Rossiya estrada yulduzi Filipp Kirkorov va shoumen Ivan Urgantlar ishtirok etdi. Bu haqda Daryo xabar bermoqda.Dabdali to‘yning suratlari Instagram’da e’lon qilindi. Ma’lumotlarga ko‘ra, ushbu to‘y sohiblari milliarder Alisher Usmonovning qarindoshlari bo‘lib, kuyovning ismi Sarvar, kelinning ismi esa Aziza.
To‘yda Ivan Urgant va Nilufar Sotiboldiyeva boshlovchilik qilgan. Filipp Kirkorov, Rashid Xoliqov va «San’at» guruhining xonandalari esa mehmonlarni o‘z qo‘shiqlari bilan xushnud etgan.
