2014 yilning 4 dekabrida qabul qilingan O‘RQ-379-sonli qonunga ko‘ra, Soliq kodeksining 375-moddasiga yakka tartibdagi tadbirkorlar tomonidan to‘lanadigan qat’iy belgilangan soliqlarni to‘lash tartibiga o‘zgartirishlar kiritildi, Bu haqida «Norma.uz»ga asoslanib «Kun.uz» xabar bermoqda.Yakka tartibdagi tadbirkor sifatida ro‘yxatdan o‘tishni xohlagan kasb-hunar kollejlari bitiruvchilariga 2015 yildan boshlab soliq imtiyozi beriladi, unga ko‘ra ular yakka tartibdagi tadbikror sifatida davlat ro‘yxatidan o‘tganlaridan boshlab 6 oy mobaynida soliq to‘lashdan ozod etiladilar. Faqat bunda bitta shartga amal qilish lozim bo‘ladi – bitiruvchilar yakka tartibdagi tadbikror sifatida kollejni bitirganlaridan keyin 12 oy ichida davlat ro‘yxatidan o‘tgan bo‘lishlari lozim.
Agar bitiruvchi o‘z tadbirkorlik faoliyatini davlat ro‘yxatidan o‘tgandan keyin 12 oy ichida tugatsa, unda u o‘z tadbirkorlik faoliyati bilan shug‘ullangan shu davr uchun barcha soliqlarni to‘la hajmda to‘lashi lozim bo‘ladi.
Davlat bu soliq imtiyozini kiritish bilan kollej bitiruvchilarini tadbikorlik bilan shug‘ullanishga rag‘batlantirmoqda, chunki davlatimizning kelajak taraqqiyoti aynan yosh tadbikorlarga bog‘liqdir.
foto: Kun